Vieiros

Vieiros de meu Perfil


Fwwwrando

RSS de Fwwwrando
PRÓXIMO CUMIO EN LOS ÁNGELES

Puntogal logra financiamento para a candidatura do dominio galego

A asociación recibirá 186.000 euros da Consellería de Industria co fin de preparar a candidatura ante a ICANN.

M.V. - 14:05 10/10/2007

A Consellaría de Innovación e Industria anunciou este mécores que aportará 186.000 euros para os traballos da Asociación Puntogal, que promove un dominio en internet para a lingua e a cultura galegas.

Esta inxección económica será aprobada no Consello da Xunta de mañá. O acordo establece que Puntogal adicará os cartos a “realizar os traballos técnicos e os custos que a ICANN impoña para poder presentar a candidatura galega”.

Poderase presentar en 2008?

Tamén servirá para financiar a presencia do Puntogal nas reunións da ICANN, a próxima das cales terá lugar en Los Ángeles a finais de outubro. Nesa reunión, a ICANN informará dalgúns dos requisitos que esixirá aos candidatos. É posíbel que o ente que controla os dominios de internet abra a porta á presentación de propostas de xeito oficial durante o próximo ano.

Ademais de Puntogal, outros colectivos lingüísticos -como, por exemplo, os bretóns e os galeses- tamén están rfacendo os deberes de cara a apertura de propostas. Pretenden así lograr un identificador de internet de tipo cultural, como o “.cat”, específico para a lingua e cultura catalás.


5/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: