Vieiros

Vieiros de meu Perfil


Fwwwrando

RSS de Fwwwrando
A CONVOCATORIA DE NOVOS DOMINIOS PREVESE PARA COMEZOS DE 2008

Todas as cidades do norte de Portugal e Galiza súmanse a Puntogal

Importante paso adiante cara á consecución dun dominio de internet para a cultura galega

M.V. - 17:15 10/05/2007

A forza de Puntogal -a iniciativa a prol dun dominio de internet para a cultura galega- aumentou de forma significativa esta semana. E é que o Eixo Atlántico -que reúne a dezaoito cidades de Galiza e do norte de Portugal- acaba de aprobar a súa adhesión a esta promotora.

A Coruña, Braga, Bragança, Chaves, Ferrol, Guimarães, Lugo, Monforte de Lemos, Ourense, Peso da Régua, Pontevedra, Porto, Santiago de Compostela, Viana do Castelo Vigo, Vila Nova de Gaia, Vila Real e Vilagarcía de Arousa son as cidades que deste xeito se suman á organización que loita polo “.gal”.

Todos a unha
O acordo foi adoptado por unanimidade este luns nunha xuntanza en Santiago. A proposta realizouna o Consello da Xuventude de Galicia, un das ducias de entes de tódos os ámbitos que está na promotora de Puntogal.

Mentres tanto, a ICANN -o ente que regula os dominios de internet- segue a traballar nas bases que rexerán a próxima convocatoria de novos dominios, prevista, de xeito non oficial, para comezos de 2008.


4.89/5 (28 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: