Vieiros

Vieiros de meu Perfil


Edición xeral

RSS de Edición xeral
Separación entre nenos e nenas

Continúan as advertencias para que se siga sen financiar os centros segregadores

A CIG-Ensino exíxelle a Xesús Vázquez que faga cumprir a lexislación, a pesar das súas últimas manifestacións que insinúan o contrario.

Redacción - 19:15 24/04/2009

O sindicato CIG-Ensino pediulle á Consellaría de Educación e Ordenación Universitaria que cumpra a orde asinada pola anterior Xunta de retirarlles os concertos educativos a varios centros que separan o alumnado segundo o seu sexo.

A forza sindical expresou nun comunicado a súa preocupación polo pronunciamento de "certos grupos de presión", dos que forman parte os centros privados, que usan a "liberdade como escusa" para xustificar o uso de fondos públicos para sufragar modelos con idearios "contrarios aos principios mínimos de convivencia social".

Ademais, engade que a retirada dos concertos faise de acordo co artigo 84.3 da LOE, que cita explicitamente que non se discrimine por sexo o alumnado, e que outras comunidades autónomas están a cumprir con este mesmo requisito.

Dende o sindicato confían en que o titular de Educación, Xesús Vázquez, non se veña atrás e provoque unha involución na política educativa. En declaracións a diversos medios, entre eles Europa Press, Vázquez Abad asegurou que tentará adoptar unha solución definitiva, axustándose á lei e garantindo a "liberdade".


4.8/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: