Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Aumentan a subvención

O Concello da Coruña dálle 10 mil euros máis ás touradas

En 2008 houbo enfrontamentos entre os socios de goberno por seguir financiando a feira. Este ano a subvención pasou dos 120 mil euros aos 130 mil.

Redacción - 10:45 17/03/2009
Imaxes da manifestación contra as touradas, que se desenvolveu o ano pasado en Pontevedra / Imaxe: Libera!

Imaxes da manifestación contra as touradas, que se desenvolveu o ano pasado en Pontevedra / Imaxe: Libera!

A subvención do Concello da Coruña á chamada "Feira Taurina" aumentou este ano un 8,3%, segundo publica o xornal La Opinión. Ao parecer, o goberno local deciciu acrecentar a partida destinada ás touradas, que pasou dos 120 mil euros -que foron os que se entregaron en 2008-, aos 130 mil.

A noticia sóubose cando o Instituto Municipal Coruña Espectáculos (IMCE) sacou a concurso a contratación da organización e explotación desta feira por dous anos, no que sinalaba as súas intencións de destinar, como máximo, 130 mil euros cada ano como subvención para o "espectáculo".

O financiamento das touradas xa enfrontara anteriormente a nacionalistas e socialistas
Esta festa, que xa enfrontou o ano pasado os socios de goberno, debía desenvolverse esta ano cunha subvención semellante ás anteriores, segundo declarara o verán pasado o concelleiro de Festas, Carlos González Garcés (PSdeG), encargado da súa continuidade. Naquela altura o BNG enfrontárase ao seu socio de goberno, o PSdeG, criticando duramente que se financiasen as touradas con fondos públicos. Porén, este ano, ademais de seguir co financiamento, este medra en 10 mil euros.


1.63/5 (19 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: