Vieiros

Vieiros de meu Perfil


Edición xeral

RSS de Edición xeral
CONTRA A REFORMULACIÓN DA XUNTA

Centros Quérote: da vangarda ao desmantelamento

O BNG denuncia a desaparición e lamenta que o Goberno bote abaixo esta iniciativa pioneira que situou a Galiza na vangarda das políticas de prevención.

Redacción - 09:30 02/07/2010

Despois do anuncio da Xunta da reformulación dos centros de información para mozos, o BNG denuncia o desmantelamento do servizo de información afectivo-sexual postos en marcha polo bipartito. A deputada, Ana Pontón, e a responsábel de Galiza Nova, Iria Aboi, denunciaron que, na práctica, esta operación do Goberno non procura outra cousa que a desaparición dos centros Quérote tal e como funcionaban até o de agora.

Nun comunicado, as nacionalistas recordar que estes centros tiñan unha grande demanda e o seu traballo na prevención e na educación afectiva-sexual axustábase, por vez primeira, ás recomendacións da Organización Mundial da Saúde. Asemade, subliñan que esta pioneira iniciativa situou a Galiza na vangarda das políticas de prevención.

Na Coruña, o Quérote xa está pechado
Doutra banda, a concelleira de Xuventude da Coruña, Ermitas Valencia, solicitou unha entrevista urxente coa Xunta para coñecer as súas intencións sobre o centro Quérote da cidade. Denuncia que este servizo, único dirixido á mocidade que ofrece a cidade, permanece pechado “dende hai uns meses”. Asegura que unicamente abre “unhas horas de luns a venres”, mais con grandes deficiencias de persoal.

Pola súa parte, a Consellaría de Traballo e Benestar xa rexeitou estas acusacións e asegurou que, pola contra, os contidos deste centro “se incrementarán nos último trimestre do ano”. Se ben recoñece “problemas puntuais nos horarios de apertura”, asegura que xa se está a traballar para “darlle unha pronta solución”.


3.75/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: