Vieiros

Promover unha reflexión pública e ponderada sobre a problemática das sociedades plurilingües contemporáneas, facilitar un espazo e unha ocasión para a análise crítica das políticas lingüísticas: a actual, as anteriores, a doutros lugares ou incentivar o debate público, democrático e respectuoso coas diferenzas e as minorías sobre a cuestión da lingua na Galiza de hoxe. Son algúns dos obxectivos das xornadas que teñen lugar este sábado en Santiago no Museo Pedagóxico de Galicia (MUPEGA), organizadas polo STEG.

O programa concluirá cunha mesa redonda baixo o título 'O galego no ensino: novo marco deseñado polo decreto do plurilingüismo', unha análise crítica e debate onde confrontarán o propio secretario xeral de Política Lingüística, Anxo Lorenzo, o profesor Bernardo Penabade, a escritora Rexina Vega e Xosé Antonio Calviño Martínez en representación do STEG.