Vieiros

Vieiros de meu Perfil


Edición xeral

RSS de Edición xeral
POR SEGUNDA VEZ NAS ÚLTIMAS SEMANAS

A Policía desaloxa delegados da CIG que estaban pechados no Consorcio de Benestar

Os representantes sindicais denuncian que a Xunta non lles aclara o seu futuro laboral.

Redacción - 13:50 26/05/2010

O xerente do Consorcio de Igualdade e Benestar, Roberto Rodríguez, recorreu este mediodía ás forzas de seguridade para rematar co peche de trinta traballadores (case todos delegados da CIG) no local central deste organismo en Compostela que se iniciara unha hora antes. Aínda que non se produciu ningún tipo de incidente no desaloxo, dende o sindicato nacionalista botáronlle en cara ao xerente o ter “moi boas palabras pero maneiras ditatoriais”.

Os traballadores seguen a demandar a aplicación do convenio e, sobre todo, queren saber o futuro que vivirán cando a Xunta cambie a nomenclatura do Consorcio por unha Axencia de Servizos Sociais, tal e como anunciou o Goberno hai poucas semanas.

Dende a CIG sinalan que non é de recibio que o xerente aprace de xeito constante as xuntanzas cos delegados. Aínda así, Rodríguez teríase comprometido a manter unha reunión a vindeira semana para tratar os temas que lle preocupan ao persoal.


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: