Vieiros

Vieiros de meu Perfil


Galego.org

Xestionado por Vieiros
RSS de Galego.org
Normalización e política lingüística

A mocidade é o sector que incorpora máis novos falantes de catalán

Na escola e no instituto iníciase o uso social da lingua que non é materna, e aquí a lingua propia de Cataluña "avanza posicións globalmente".

Redacción - 10:00 15/05/2010
Coñecemento de linguas (ampliar)

Coñecemento de linguas (ampliar)

Segundo reflicte un recente estudo da Secretaría de Política Lingüística do goberno de Cataluña, a lingua propia do país presenta un bo comportamento con respecto á transmisión de pais a fillos por parte de parellas novas castelánfalantes, informa Nationalia.

O informe, Llengua i joves. Usos i percepcions lingüístics de la joventut catalana ("Lingua e mozos. Usos e percepcións lingüísticas da mocidade catalá"), elaborado pola Universitat Oberta de Catalunya, recolle varias enquisas que se combinan coa análise cualitativa de datos obtidos a partir de entrevistas e debates de grupo.

Os datos reflicten que catro de cada dez parellas novas castelánfalantes empregan cos seus fillos o catalán tanto ou máis ca o castelán. Os autores explican que este feito marca un cambio xeracional, xa que con anterioridade a porcentaxe era dun caso por cada dez.

Outros datos salientábeis son os referidos ao concepto de "hibridación lingüística", é dicir, uso habitual de varias linguas. Neste apartado, o estudo conclúe que a mocidade é o sector de poboación que máis usa indistintamente o catalán e o castelán, e isto "beneficia e incrementa o uso do catalán".

O castelán domina no ámbito informal

Con respecto aos espazos onde se produce esta hibridación, o estudo sinala principalmente os espazos formais: na escola e no instituto iníciase o uso social da lingua que non é materna, e aquí o catalán "avanza posicións globalmente".

O castelán continúa a ser a lingua dominante nos ámbitos informais, tales como as amizades, mentres que o catalán se consolida nos espazos formais como a universidade e o traballo.


4,6/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: