Vieiros

Vieiros de meu Perfil


Edición xeral

RSS de Edición xeral
A NOVA BAZA DOS SOCIALISTAS

Caamaño si que sae na foto do PSdeG

Os socialistas presentaron a web da súa próxima Conferencia Política. O papel estelar é para o ministro de Xustiza que coordina o grupo de traballo.

Redacción - 17:25 21/04/2010
Portada da nova páxina do PSdeG

Portada da nova páxina do PSdeG

Antes de ser nomeado ministro de Xustiza (febreiro de 2009), Francisco Caamaño, era practicamente un descoñecido para a gran opinión pública galega. Aínda que ligado ao PSdeG dende hai anos, a súa actividade estritamente partidaria reducíase a apoiar os seus compañeiros da Costa da Morte, de onde é orixinario. Un ano despois, Caamaño convértese nunha das grandes esperanzas dun partido que aínda moula a resaca da perda da Xunta.

O PSdeG decidiu confiarlle nada menos que a coordinación do grupo de traballo que preparará a Conferencia Política que se celebrará en xuño e coa que os socialistas queren abrir a precampaña para as eleccións municipais. O propio Caamaño definiu hai dous meses este evento como “un reto” que intenta ser un punto de arranque para reactivar a militantes e simpatizantes.

Este mesmo mércores, o secretario de organización do PSdeG, o silledense Pablo García, presentou diante dos xornalistas unha web para intentar canalizar na rede as achegas para o debate. Na mesma, pódese observar a forte presenza de Caamaño, un nome cada vez máis presente cando se fala dos candidatábeis á Xunta de Galiza.


4.92/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: