Vieiros

Vieiros de meu Perfil


Edición xeral

RSS de Edición xeral
POLÍTICAS SOCIAIS

Despois de suprimir as oficinas comarcais, Igualdade prioriza as subvencións a concellos

A Xunta retoma a política da época Fraga deixando todo o peso das políticas nos Centros de Información á Muller, controlados polos gobernos locais.

Redacción - 11:57 21/07/2010

Durante o goberno bipartito puxéronse en marcha oficinas comarcais de Igualdade. Coa chegada do PPdeG á Xunta, e logo de crear unha forte polémica cos procesos de selección do persoal, decidiuse suprimir estas oficinas a finais do ano pasado e despedir a 61 traballadoras que aprobaran as probas de acesso.

Agora a Secretaría Xeral de Igualdade deixa claro que a súa prioridade vai seguir sendo a subvención directa a concellos que teñan Centros de Información á Muller (CIM), tal e como esixían moitos alcaldes que controlan a contratación e funcionamento destes servizos e que estaban molestos coa comarcalización emprendida polo anterior goberno.

Mentres, nos tribunais segue a batalla das ex traballadoras das oficinas comarcais. Até o de agora, varios xulgados declararon improcedentes os despidos e, incluso, nun caso o maxistrado considerou nula a extinción de contrato. Á vez, mantense unha denuncia por difamación contra a secretaria xeral Susana López Abella que lle chamou “enchufados” aos despedidos no Parlamento (aínda que logo rectificou).


3,4/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: