Vieiros

Vieiros de meu Perfil


Edición xeral

RSS de Edición xeral
Denuncia de plataformas antifascistas

Un 'rambo' nazi anda ceibo no Bierzo

Pistolas, kalashnikovs, cunha man, coas dúas, ... Entre vides, nun fermoso entorno, proba o seu armamento caseiro coa esvástica no peito e sobe os vídeos ao YouTube. Sen complexos.

Redacción - 19:20 14/04/2010
'roker581' lócese no YouTube

'roker581' lócese no YouTube

Son sete vídeos. Antes eran oito, mais foi eliminado un onde maltrataba un can. O resto permanece, tamén un en que funde a tiros unha árbore. O mellor das imaxes é a paisaxe, típica da Galiza do sueste, concretamente dos montes de Quilós (Cacabelos) no Bierzo. Daba gana de ir dar un paseo se non fose polo personaxe!

O protagonista goza de moi bo humor. Cada serie de disparos vai seguida doutra de gargalladas. Un xenio do humor, ataviado para o show con toda unha colección completa de modelos nazi-à-porter: camisolas con esvásticas, cazadoras Bomber con insignias das SS, ... un auténtico neonazi de anuncio.

Todo moi gracioso -menos para o can e a árbore- de non ser polas agresións sufridas por militantes antifascistas da comarca hai un tempo, incluído un intento de homicidio en 2007, e que se encargan de lembrar varias plataformas coa difusión destes vídeos. roker581 (o seu nome de guerra), un tipo sen complexos, un rambo nazi ceibo no Bierzo.


4.08/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: