Vieiros

Vieiros de meu Perfil


Edición xeral

RSS de Edición xeral
Aprobación definitiva

O Foro Galego de Inmigración considera intolerábel a Lei de Estranxeiría

Os colectivos a prol da igualdade de dereitos das persoas inmigrantes anuncian actos de protesta e sensibilización o 18 de decembro, Día Mundial das Migracións.

Redacción - 12:25 27/11/2009

O Foro Galego de Inmigración lamentou a aprobación definitiva la Lei de Estranxeiría, por considerar que as achegas introducidas na súa tramitación parlamentaria son insuficientes. Segundo o foro, aínda que se amplían as medidas cautelares alternativas ao internamento e se estabelece a vixilancia xudicial concreta sobre os centros de internamento, "mantense a intolerábel ampliación do tempo de estancia neses centros de 40 a 60 días".

Para o Foro Galego de Inmigración, tampouco se introduciron melloras substanciais na garantía dos dereitos das mulleres inmigrantes que sofren violencia de xénero. Tamén lembra que a lei insiste en criminalizar as persoas inmigrantes en situación de irregularidade administrativa e mesmo as persoas que as axudan o que, segundo o foro, pode facilitar que esas persoas caian en mans de redes de explotación laboral ou de prostitución.

Actos de protesta e sensibilización
O 18 de decembro, Día Mundial das Migracións, o Foro Galego de Inmigración vai promover actividades en todo o país para amosar a súa oposición a este cambio na lexislación, e para seguir a sensibilizar e concienciar a poboación a prol dunha nova sociedade intercultural con igualdade de dereitos.


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: