Un estadounidense será xulgado por axudarlles aos grupos anti-G-20 a través de Twitter
O detido, Elliot Madison, empregou a rede social para enviar mensaxes sobre a posición da policía durante a cimeira de Pittsburgh.
Un activista estadounidense, Elliot Madison, foi arrestado durante as protestas contra o G-20 en Pittsburgh por usar Twitter para informar sobre os movementos da policía. Segundo as forzas de seguridade, Madison e un cómplice usaron computadores e unha radio para controlar as posicións das patrullas e pasarlles esa información aos manifestantes usando a rede social, que nos EUA permite enviar mensaxes a móbiles.
Madison está acusado de dificultar a detención, uso criminal de instalacións de comunicación e posesión de instrumentos criminais. Unha semana despois, a casa do detido en Nova York foi rexistrada por axentes do FBI. Tanto Elliot Madison como o seu avogado, Martin Stolar, foron entrevistados por Democracy Now, un espazo que se difunde a través da internet e de emisoras independentes
Na rede social xa hai unha campaña de apoio a Madison, que consiste en tinguir o avatar de vermello e negro.
Ligazóns
Novas relacionadas
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto