Vieiros

Vieiros de meu Perfil


Edición xeral

RSS de Edición xeral
emiten un manifesto contra Educación

As Escolas Oficiais de Idiomas advirten do empeoramento da calidade do ensino

Din que as directrices da Dirección Xeral de Educación son un retroceso na organización académica dos centros, e acusan a consellaría de mentir sobre a situación.

Redacción - 09:30 21/07/2009

As persoas responsábeis das Escolas Oficiais de Idiomas de Galiza emitiron un comunicado para reaccionar contra a circular 5/2009 enviada pola Consellaría de Educación, que consideran que supón un retroceso na calidade do ensino dos idiomas porque bota por terra a organización académica dos centros e a coordinación entre as EOI.

Segundo o manifesto, a circular terá como consecuencias a redución do alumnado nas franxas horarias de máis demanda, suprimir postos de traballo, a deterioración da diversificación da oferta educativa, a supresión das clases complementarias, a coordinación do profesorado que imparte os mesmos grupos e ampliar os horarios do persoal non docente.

Os directores e directoras das EOI entrevistáronse o pasado 17 de xullo do director xeral de Educación para expresarlle as consecuencias da aplicación da circular e pedirlle a retirada da mesma, pero, aseguran, "a receptividade foi nula, sen demostrar nin a máis mínima intención de achegamento ao diálogo".

As persoas responsábeis dos centros educativos rebateron a postura do director xeral, que afirma que o profesorado só 13,5 horas á semana, o que consideran unha falsidade. Segundo eles, a circular pretende que todo o profesorado imparta un grupo máis, co que desaparecerían as clases complementarias lectivas e pasarían a impartir 20 períodos lectivos, co que, cos seus cálculos, de cada catro profesores sobrará un, o que reducirá a oferta de grupos nas horas de máis demanda.

Para os autores do manifesto, a nova circular acabará con toda a diversificación curricular das EOI ao aumentar de xeito desorbitado a carga de traballo dos profesionais e supón acabar coa calidade dese ensino especializado de idiomas.


5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: