Vieiros

Vieiros de meu Perfil


Eleccións Galiza 2009

RSS de Eleccións Galiza 2009
Ana Olveira

"Cómpre unha Lei de Consumo que responda ás demandas da sociedade actual"

A presidenta da Unión de Consumidores de Galicia, Ana Olveira, resume as prioridades que o Goberno que saia das urnas debería atender.

Redacción - 11:15 19/02/2009
Ana Olveira, presidenta da UCGAL

Ana Olveira, presidenta da UCGAL

"Dende a Unión de Consumidores de Galicia entendemos que a vindeira lexislatura se enfronta a importantes retos en materia de consumo. Cando están a piques de cumprirse 25 anos da aprobación do Estatuto Galego do Consumidor, bótase en falta a aprobación dunha nova norma que regule, en consonancia coas actuais características do mercado, as relacións comerciais e de prestación de servizos. Cómpre polo tanto tramitar e aprobar un proxecto de Lei de Consumo que nos seus elementos esenciais recibiu a aprobación das organizacións de consumidores galegas.

Nembargantes, a UCGAL considera que unha nova Lei non é máis que unha ferramenta, que para que resposte aos seus obxectivos debe ir acompañada de políticas activas de defensa e protección dos consumidores e de fomento das súas organizacións. Un fomento que debe implicar a todas e cada unha das Administracións Galegas, por que con independencia do eido no que nos movamos, consumidores somos todos e todas, e poucas son as actuacións dos poderes públicos que directamente ou indirectamente non inciden neste eido.

Sanidade (listas de espera), servizos públicos (transportes, electricidade...), educación, servizos sociais (garderías, dependencia, maiores...), o agro (produtos alimenticios), a pesca, vivenda (acceso universal), comercio, medio ambiente... Toda regulación nos afecta como consumidores, mais... canto se nos ten en conta?"


5/5 (11 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: