Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
O sétimo do país

En outono dará comezo o trámite para a creación do Parque Natural de Pena Trevinca

Medio Ambiente anunciou este sábado a medida, demandada dende hai anos, na 'IV Feira da Caza e Natureza'.

Redacción - 19:35 19/07/2008

O director xeral de Conservación da Natureza, José Benito Reza anunciou este sábado na 'IV Feira da Caza e Natureza' da Veiga que a Consellaría de Medio Ambiente comezará a tramitar en outono a creación do Parque Natural de Pena Trevinca.

Reza explicou que o departamento está a traballar actualmente no Plan de Ordenación de Recursos Naturais do futuro parque, que abrangue os municipios de Viana do Bolo, A Veiga e Carballeda de Valdeorras.

"O gran obxectivo para a zona é crear o Parque Natural e potenciar así o desenvolvemento socioeconómico dos concellos incluídos na futura liña de protección", comentou Reza.

O Parque Natural de Pena Trevinca unirase aos seis espazos naturais xa existentes no país: Fragas do Eume, Complexo Dunar de Corrubedo e Lagoas de Carregal e Vixán, Monte Aloia, Baixa Limia-Serra do Xurés, O Invernadeiro e Serra da Enciña da Lastra.


5/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: