Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Cara a manifestación do domingo

Peche "indefinido" do Comité Cidadán no Concello de Ferrol para esixir un posicionamento do goberno local

Unha ducia de membros do Comité Cidadán de Emerxencia iniciaron un encerro ás 11h do martes, pedindo un pronunciamento do Concello contra a planta de Reganosa.

Redacción - 17:05 03/06/2008
Tags: CCE Reganosa

O dragado da entrada da ría de Ferrol, a posíbel ampliación de Reganosa e o transporte de gas en camións cisterna desde a planta mugardesa son as tres principais denuncias sobre as que o Comité Cidadán de Emerxencia pide o pronunciamento "claro" do goberno local, segundo lle explicou a Vieiros un dos voceiros do colectivo, Alexandre Carrodeguas.

A plataforma cidadá considera que todas estas son novas "ameazas" para a cidadanía e esixe que o Concello, por boca do rexedor Vicente Irisarri (PSdeG), explique cal é a posición da administración local fronte a esta situación. O Comité quixo facer coincidir esta acción coa data previa ao Día Mundial do Medio Ambiente e na mesma semana en que se levará a cabo unha nova mobilización na cidade, o próximo domingo, contra a actividade da regasificadora na súa localización actual.

Esquerda Unida solidarízase co peche e pide a participación o domingo
A última hora da tarde, o grupo municipal de Esquerda Unida, que goberna o Concello xunto co PSdeG, enviou un comunicado onde expresa o apoio "ás accións de protesta en contra da localización da planta de regasificación de Reganosa no interior da ría de Ferrol". A formación apoia así o peche do Comité Cidadán de Emerxencia na Casa do Concello e subliña que a posición ten que ver "cos máis elementais criterios de racionalidade sobre a seguridade e o dereito á vida".

Esquerda Unida solicita ademais que "a Xunta e a empresa asuman o dobre ditame do Tribunal Superior de Xustiza de Galicia para a realización dun estudo de impacto ambiental sobre a instalación gasista". Critican tamén o incremento do tráfico de camións cisterna para o transporte de gas, advertindo do "novo elemento de perigo". De paso, convidan os veciños a participaren na manifestación convocada polo Comité para o domingo.


4,11/5 (19 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: