Vieiros

Circulan pola rede dende hai días as imaxes do can, que foi atopado na rúa por Guillermo Vargas Habacuc, un autodenominado artista de Costa Rica, que o prendeu nunha súa exposición, privándoo de auga e de comida, para que os visitantes o visen morrer de fame.

Ademais, Vargas Habacuc pintou, empregando comida de can e na parede de en fronte do animal, a frase "es o que les". Durante días o can moi morrendo lentamente de fame e de sede ante a atenta mirada do autor e dos visitantes da galería, que presenciaron impasíbeis a agonía do animal.

Máis de 60 mil sinaturas recollidas
Todo isto aconteceu o ano pasado, na Bienal Centroamericana, mais agora Vargas Habacuc quere repetir a súa montaxe, convidado polos organizadores da mesma mostra.

O costarricense segue mantendo que se trata só de "unha expresión artística", mais non opinan o mesmo as máis de 60 mil persoas que asinaron o manifesto on line promovido por unha campaña internacional que pretende que non se repita a cruel "obra" de Guillermo Vargas Habacuc.