Vieiros

Vieiros de meu Perfil


Edición xeral

RSS de Edición xeral
Despois de trece anos

Sudáfrica volverá cazar elefantes

O goberno anuncia que a partir do 1 de maio vai permitir as batidas legais de exemplares para controlar a poboación.

Redacción - 09:40 26/02/2008
A caza de elefantes estaba prohibida dende 1995

A caza de elefantes estaba prohibida dende 1995

O goberno de Sudáfrica anunciou este luns que a partir do 1 de maio, por primeira vez en trece anos, vai permitir cazar elefantes co fin de controlar a poboación.

O número de exemplares, afirman no comunicado enviado aos medios locais, medrou dos 8.000 deica os 20.000 dende que en 1995 prohibiran por vez primeira a súa captura.

O goberno é consciente de que este tema provoca "fortes emocións", e que a nova vai provocar a reacción das asociacións de defensa dos animais. De feito, algúns grupos xa ameazaran con ir aos tribunais en varias ocasións, de se confirmar a fin do veto.

"Último recurso"

No comunicado, que asina o ministro do Ambiente e do Turismo, Marthinus van Schalkwyk, afírmase que as batidas van ser o "último recurso", e permitida baixo estritas condicións tendo en conta "todas as opinións".

Neste senso, poderíanse aplicar outras medidas tal como a mellora dos valados, o traslado e a contracepción dalgúns exemplares. Porén, van Schalkwyk lembrou as persoas que viven perto das mandas.

Moitos quéixanse de que os elefantes son perigosos, comen as leiras e compiten cos humanos pola auga, aínda que grupos como Animal Rights Africa defenden a capacidade cognitiva, amplamente desenvolvida, dos elefantes e así coma o alto coñecemento que deles mesmos teñen.


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: