Vieiros

Vieiros de meu Perfil


Galego.org

Xestionado por Vieiros
RSS de Galego.org
Discriminación lingüística en Renfe

"Non se dirixa a min en galego"

Un empregado da estación de Pontevedra pediulle a un usuario que usase o castelán. O Adif deféndeo alegando que é unha empresa de "ámbito estatal".

Redacción - 17:47 15/01/2008
Renfe incumpre a Carta das Linguas Minoritarias

Renfe incumpre a Carta das Linguas Minoritarias

A Mesa pola Normalización Lingüística presentou unha queixa ante o servizo de atención ao cliente de Renfe na estación de Santiago de Compostela, por "vulneración de dereitos lingüísticos" de varios usuarios do tren.

Unha das denuncias fai referencia a un empregado da estación de Pontevedra que lle pediu a un usuario "que non se dirixise en galego" a el. O Administrador de Infraestruturas Ferroviarias (ADIF) confirmou o suceso, mais o desculpa alegando -nunha carta remitida á Mesa- que é "unha empresa de ámbito estatal".

No documento entregado este martes pola Mesa achéganse outras queixas, tal como que o persoal que traballa de cara ao público, tanto en Renfe e Adif como en Feve, "non recibiu instrucións nin formación" sobre o dereito do cidadán a ser atendido en galego.

No prego de tamén se denuncia o "incumprimento da lei no teléfono de atención ao cliente, recollido no número 902 24 02 02, onde "se impón o uso do castelán a todas as persoas que o utilizan". Tamén se fala da "exclusión" dos sinais luminosos na lingua do país en varias estacións de trens así como que o galego "quedou nun segundo plano" na web de Renfe.

Informe da Carta de Linguas Minoritarias

O presidente da Mesa, Carlos Callón, dixo que a Carta de Linguas Minoritarias recolle nun informe de 2005 que o galego debe aparecer nos billetes de tren, na sinalización interna dos convois, nos carteis asinados por Renfe, nos recibos de pagamento, nos planos de evacuación da estación e noutros elementos similares.


4.75/5 (48 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: