Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Provocado por un "artefacto explosivo", di a Policía

Investigan un incendio na depuradora de Lagares en Vigo

O incidente coincide co peche que os veciños da parroquia están a levar a cabo na casa do concello. Ás 11.00 horas deste sábado estaba prevista a súa fin.

Redacción - 10:05 17/11/2007

Os Tedax da Policía Nacional analizan os restos da caixa dun rexistro de Unión Fenosa instalada na parte de fóra da estación depuradora de Lagares, que ardeu na madrugada do venres ao sábado, despois de que se lle botase "o que parece un artefacto explosivo", segundo confirmaron fontes da Policía local.

Arredor das 2.00 horas os veciños alertaron a Policía de que "se escoitaran varias explosións" e quedaran sen luz no barrio. Cando acudiron os Bombeiros comprobaron que estaba a arder parte do cableado dunha caixa cun rexistro de Unión Fenosa. A Policía apuntou que o artefacto podería ser un petardo de feira ou outro elemento similar.

O incidente acontece precisamente cando un grupo de veciños da parroquia de Coruxo, onde está situada a planta, permanece pechado en dependencias do concello dende o mediodía do venres, para protestaren polo que consideran unha mala planificación desta instalación. Neste senso, estaba previsto que ás 11.00 horas deste sábado finalizase o encerro.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: