Vieiros

Vieiros de meu Perfil


Edición xeral

RSS de Edición xeral
O buque tentará entrar outra vez coa pleamar

Convocan os cidadáns para facer presión contra o gaseiro

Os colectivos que apoian o Comité de Emerxencia da Ría de Ferrol animan a unirse á concentración convocada para as 19h deste venres no peirao ferrolán. As lanchas volverán saír a frear o paso do gaseiro.

Redacción / Fotos: Alberto Saavedra - 13:29 07/05/2007

"En defensa das nosas vidas e a nosa ría". Con ese lema cóntannos desde a Asociación Cultural Fuco Buxán, un dos colectivos que integran o Comité Cidadán de Emerxencia, da concentración convocada para a tarde deste luns no peirao de Ferrol. Insisten na necesidade de que os veciños se mobilicen para expresar a oposición ao proxecto de Reganosa.

O obxectivo inmediato é impedir que acceda á ría o gaseiro Galicia Spirit, cargado con milleiros de metros cúbicos de gas licuado. Insisten desde o Comité en que o barco non ten os permisos necesarios e acusan a Reganosa de teimar coa "ilegalidade". Ao respecto da autorización para o acceso do buque, desde a Consellaría de Industria remiten á Autoridade Portuaria de Ferrol, segundo a cal o buque si tería os permisos para o acceso á planta de gas. A Confraría de Pescadores e Mariscadores de Ferrol volverá sacar as lanchas á ría contra a noitiña, para impedir que o buque volva tentar o acceso aproveitando a pleamar.


4.67/5 (15 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: