Vieiros

Os gobernos de Portugal e Venezuela asinaron en febreiro de 2008 un memorando para equilibrar as súas balanza comerciais, empregando a fórmula de pagamento da factura petroleira a Venezuela coa importación de bens producidos en Portugal de distintos sectores económicos, é dicer, o intercambio de petróleo venezuelano por produtos portugueses. Portugal, merca petróleo a Venezuela por valor de 224 millóns de euros anuais (30% do seu consumo), a través da compañía lusa Galp Energía, a intención é pagar unha parte importante desa factura con produtos das súas empresas da industria agropecuaria, enerxías renovábeis, construción naval e menciñas.

Portugal exportaba antes dos acordos de 2008 bens e servizos a Venezuela por un monto aproximado de 20 millóns de euros anuais.

A comunidade portuguesa na Venezuela é unha das máis importantes de Portugal no estranxeiro e de Venezuela en número de estranxeiros. Está formada por perto de 400.000 persoas, principalmete dos arquipélagos de Açores e a illa de Madeira. Unha grande parte dos portugueses en Venezuela vivían en Moçambique e Angola antes da súa independencia a mediados dos setenta.

José Sócrates na Venezuela

O 29 de maio pasado fixo unha visita oficial, a segunda, o primeiro ministro portugés José Sócratres.  O presidente Hugo Chávez e o primeiro ministro de Portugal, José Socrates asinaron un total de 19 acordos de cooperación en materias de electricidade, petróleo, construción de vivendas, e bens e servizos.

Entre os acordos asinados están:
 
A construción de 12 mil 500 vivendas no eixo norte-costeiro. Este convenio tamén estipula a transferencia tecnolóxica para a instalación, fabricación e posta en marcha de sistemas construtivos prefabricados; isto coa instalación de tres fabricas especializadas neste tipo de sistema.

-Acordo para o estudo e instalación dun complexo para a fabricación de tixolos de arxila no estado Bolívar.

-Adquisición de 525 mil computadores portáteis para ser incorporadas ao proxecto Canaima educativo destinado a nenos do ensino básico en Venezuela.

Asináronse 8 acordos en materia eléctrica que inclúen a subministración de transformadores de potencia subestacional móbiles, equipamentos de montaxe e automatización do despacho de carga eléctrica.

Outro dos acordos destacados, na área eléctrica, é aquel para a construción e rehabilitación de liñas de transmisión e subestacións. Ademais, asinouse unha acta de compromiso para a asistencia técnica, de Portugal a Venezuela, en todo o relacionado coa xeración, distribución e comercialización de enerxía para así afortalar todo o sistema eléctrico venezuelano.

-Dous acordos para avanzar na consecución da seguridade e soberanía alimentaria, un dos cales ratificou a Asemblea Nacional a terza feira, 29 de xuño.

-Acta de entendemento para realizar os estudos e construción de dúas fábricas para a produción de antibióticos e outras menciñas.

Acordo para o intercambio de experiencias no referente á protección de persoas no acceso de bens e servizos; e outro é para o intercambio de experiencias no desenvolvemento de planos en materia de normas de calidade.

Asínose unha acta de compromiso para analizar a compra dun ferry dedicado ao turismo e outro acordo para a adquisición de dous buques asfalteiros.