Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Concello de Vigo

O Imaxina Sons arranca esta cuarta feira co pianista francés Martial Solal

O festival incorpora na edición deste ano o remodelado auditorio municipal e a posibilidade de adquirir abonos para todos os concertos.

Redacción - 12:25 22/06/2010

Arranca esta cuarta feira en Vigo unha nova edición do Imaxina Sons. A apertura do festival correrá a cargo do pianista francés Martial Solal na sala de concertos do Centro Cultural Caixanova e a clausura, o vindeiro 4 de xullo irá da man do Dave Douglas Quintet. Como novidades no funcionamento deste ano, cómpre salientar a incorporación do remodelado auditorio municipal como espazo de Imaxina Sons e a posibilidade de adquirir abonos para todos os concertos.

O concelleiro de Cultura, Xesús López, valorou positivamente o papel do evento "no mapa dos grandes festivais europeos". "Se ben é un festival que se centra no jazz europeo, tamén é verdade que fai incursións no jazz producido desde Latinoamérica ou Norteamérica", sinalou. Ademais, valorou a consideración que se lle outorga ao jazz galego: "O festival vai medrando de forma parella a como o vai facendo o jazz en Galiza".

Ademais de Martial Solal, que o director artístico do festival, Baldo Martínez, o considera "o Tete Montoliu francés", pasarán polo Imaxina Sons: Root Africaine (27 xuño) e Dave Douglas (4 xullo), os tres concertos de Caixanova. No MARCO: Pierre Favre Solo (28 xuño), Carlos Zíngaro Solo (29 xuño) e Marisco Fresco (30 xuño). E no Auditorio Municipal: Red Trio + John Butcher (1 xullo), Arild Andersen Trio (2 xullo), Franz Koglmann Monoblue Quartet (3 xullo) e Atlantic Bridge (4 xullo).


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: