Vieiros

Vieiros de meu Perfil


Lusofonía

Xestionado por Vieiros
RSS de Lusofonía
Escritor, activista, xornalista e xerador de debates

De Deus á Iberia: cronoloxía 'polémica' de Saramago

O goberno portugués decreta dous días de loito. O corpo do autor é levado a Lisboa onde terá lugar unha homenaxe este domingo.

Redacción - 14:00 19/06/2010

"José Saramago foi o autor portugués contemporáneo mais traducido, con libros editados en todo o mundo, tendo recibido varios premios literarios e graos honoríficos, nacionais e internacionais, entre eles o premio Camões, en 1995, e o premio Nobel da Literatura, en 1998 (...) A singularidade da súa creación literaria e a súa vasta obra ennobrecen a lingua e a cultura portuguesa (...) Así, en expresión de xusta homenaxe, entende o Goberno declarar o loito nacional nos días 19 e 20 de xuño de 2010". Deste xeito o expresa o comunicado oficial do goberno portugués, logo da reunión extraordinaria do Consello de Ministros esta sexta feira.

A Fundação José Saramago confirmou que as cinzas de Saramago ficarán en Portugal por vontade expresa do escritor, desmentindo así que fosen repousar en Lanzarote, nas Illas Canarias, onde o autor vivía desde hai anos. A xeito de funeral, este domingo Lisboa será escenario da homenaxe oficial de despedida ao escritor, cuxo corpo repousará no Salón Nobre do concello lisboeta e será levado despois ao cemiterio do Alto de São João, onde será incinerado.

Por outra parte, aproveitamos para recomendarlles a cronoloxía elaborada polo diario portugués Público ao respecto dalgunhas das 'polémicas' das que foi protagonista Saramago. Entre outras, as súas declaracións sobre unha posíbel integración dos estados portugués e español ou a belixerancia contra el da xerarquía católica despois da publicación do 'Evangelho Segundo Jesus Cristo'.

Para ampliar:


3.86/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: