Vieiros

Vieiros de meu Perfil


Edición xeral

RSS de Edición xeral
A OUTRA CARA DA CRISE

A crise económica deixa unha vaga de embargos en Galiza

A plataforma Adicae prognostica que antes de final de ano as entidades financieiras expropiarán máis de seis mil pisos no noso país.

Redacción - 18:20 16/06/2010

O paro, a situación económica e o endurecemento das condicións dos bancos e caixas están a producir un máis que notábel incremento de embargos de propiedades inmobiliarias. A Plataforma Hipotecaria de Adicae estima que, de seguir a este ritmo, a final de ano máis de 6.100 familias galegas van perder propiedades inmobiliarias, fronte á previsión de 2.600 que tiña o Consello Xeral do Poder Xudicial para este ano 2010.

Dende esta asociación consideran que o estoupido da burbulla inmobiliaria está a notarse agora con máis virulencia. Adicae culpa directamente do que está a suceder ás entidades financieiras que “alimentaron a burbulla con taxacións inchadas, hipotecas lixo, importes excesivos e concesións sen garantías adecuadas”.

Fronte a isto, Adicae anuncia concentracións simultáneas en 13 cidades do Estado Español entre elas Vigo e A Coruña para o vindeiro sábado 19 de xuño. Dende esta plataforma sinalan que este é un primeiro paso para mobilizacións máis grandes que se celebrarán logo do verán.


3.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: