Vieiros

Vieiros de meu Perfil


Edición xeral

RSS de Edición xeral
CONTAS DO ANO 2009

Caixa Galicia obtivo un beneficio consolidado de 91 millóns de euros

O vindeiro luns os consellos de administración das dúas caixas avaliarán o proxecto económico de integración.

Redacción - 19:00 12/06/2010

A asemblea xeral de Caixa Galicia aprobou este sábado as contas xerais do exercicio 2009, nas que a entidade financeira rexistrou un volume de negocio de 78.626 millóns de euros e un beneficio consolidado ao final do exercicio de 91 millóns.

Segundo sinala a propia entidade nun comunicado, as súas contas contan co maior índice de solvencia da década, un crecemento do 28% e un superávit de recusros propios de 1.187 millóns de euros. Engade que iso supón 362 millóns máis que en 2008 e un incremento do 14% da eficiencia.

“Estes datos”, di o texto, “unidos á ratio de morosidade do 4,9% e ao incremento de 28 puntos básicos da cota de mercado na formalización de crédito a empresas, permiten afrontar unha nova e ilusionante etapa”.

Os consellos, convocados o luns
Caixa Galicia e Caixanova convocaron formalmente para o mediodía do vindeiro luns aos seus respectivos consellos de administración para someteren a avaliación o proxecto económico de integración de ambas as dúas entidades. Previsbelmente, este borrador incluirá as cifras financeiras da integración e o plan de negocio, mais non o deseño concreto do cadro de mando. Este último punto, que aínda non sería tratado nas mesas constituídas para confeccionar a fusión, deberá acordarse antes de que se formalice a solicitude definitiva de axudas ao FROB, que remata o vindeiro 30 de xuño.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: