Vieiros

Vieiros de meu Perfil


Edición xeral

RSS de Edición xeral
CONTRA O NEOLIBERALISMO

BNG: 'Populares e socialistas teñen as mesmas ideas ante a crise'

Guillerme Vázquez subliña que a solución á difícil situación económica ten que vir da man dun novo modelo produtivo non especulativo.

Redacción - 17:30 12/06/2010
Guillerme Vázquez defendeu o BNG como única alternativa fronte ao neoliberalismo

Guillerme Vázquez defendeu o BNG como única alternativa fronte ao neoliberalismo

“Era mellor que fixeran un goberno de coalición con dúas co-presidencias porque teñen as mesmas propostas e ideas, o único que teñen que discutir é cando se aplican”. Con estas palabras se referiu Guillerme Vázquez a PSOE e PP, aos que acusou de defender principios neoliberais que non atopan a verdadeira resposta á situación de crise.

Na clausura do II Encontro nacional de Pesca, organizado polos nacionalistas, Vázquez advertiu que “de non pelexar polo futuro, podemos perder moitos dos dereitos conquistados polos que nos precederon”. Subliñou que ·esta crise foi provocada por unha ideoloxía neoliberal que puxo en valor a especulación fronte ao traballo”, e reiterou que o BNG aposta por “un modelo produtivo e non especulativo”.

Ao respecto da reforma laboral, adiantou que provocará “mais inestabilidade laboral, precariedade e menores salarios” e engadiu que “estamos en Galiza, onde temos os salarios e pensións máis baixas e sectores produtivos básicos como o pesqueiro e o lácteo en permanente destrución e non se pode producir emprego se se eliminan estes sectores”. Finalmente rexeitou o argumento que xustifica a crise no feito de que os cidadáns vivimos por riba das nosas posibilidades e preguntou cal debería ser o xeito de vida dun traballador con seiscentos ou mil euros.


Ligazóns

5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



No Encontro Nacional de Pesca, o BNG amosouse contrario ás políticas actuais que instrumentan os gobernos europeo, galego e estatal
No Encontro Nacional de Pesca, o BNG amosouse contrario ás políticas actuais que instrumentan os gobernos europeo, galego e estatal
Vázquez afirmou que Galiza, recoñecida mundialmente como potencia en pesca, segue a padecer un retroceso por culpa dos nosos gobernantes
Vázquez afirmou que Galiza, recoñecida mundialmente como potencia en pesca, segue a padecer un retroceso por culpa dos nosos gobernantes