Vieiros

Vieiros de meu Perfil


Galego.org

Xestionado por Vieiros
RSS de Galego.org
E-LEARNIG

Política Lingüística promove cursos de galego en liña

O obxectivo é potenciar a aprendizaxe do noso idioma mediante fórmulas didácticas innovadoras e oriéntase á preparación do Celga 1.

Redacción - 18:15 09/06/2010
Anxo Lorenzo, na presentación da plataforma

Anxo Lorenzo, na presentación da plataforma

No mesmo día no que se enviou os cuestionarios sobre a lingua aos centros educativos para que os pais decidan sobre a lingua vehicular do ensino dos seus fillos, Política Lingüística presentou un “ambicioso sistema de formación en liña” para potenciar o aprendizaxe do galego entre a poboación adulta.

Esta plataforma oriéntase á preparación das probas de certificación da lingua galega e pretende, nas palabras de Anxo Lorenzo, “darlle facilidades ao amplo sector da poboación adulta que desexa adquirir ou mellorar a súa competencia en galego” ao tempo que se “aposta polas novas tecnoloxías da información e da comunicación para os medios informativos”.

En concreto, o curso será preparatorio para os exames do Celga 1 e Política Lingüística subliña que é “voluntario e gratuíto”. O prazo de inscrición estará aberto até o vindeiro 15 de xullo. Composto por 10 unidades, está deseñado como unha ferramenta de traballo á disposición do usuario, para “facilitar a súa aprendizaxe e permitir a súa autonomía”. Unha vez que accede á unidade, o usuario pode avanzar atendendo ás súas propias necesidades.


1/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: