Edición xeral
O goberno español renuncia ao TAV entre Monforte e o Bierzo
A Junta de Castela e León informou de que finalmente se construirá por Zamora, e non por Ponferrada, como se comprometera.
Estación de tren de Ponferrada / D.L.
O tren de alta velocidade que conectará o noso país coa meseta non pasará polo Bierzo, segundo lle confirmou este martes o secretario de Estado de Infraestruturas, Víctor Morlán, á Junta de Castela e León que informou de que finalmente se construirá por Zamora, e non por Ponferrada, como se comprometera.
Porén, desde o Ministerio de Fomento matizaron a información da Junta poucas horas despois a través dun comunicado. Sinalan neste que o goberno español non desbotou o traxecto desde Madrid a Ponferrada, mais que hai "outras prioridades". A nota non especifica que pasará co acceso a Galiza desde a capital do Bierzo.
"En ningún momento o Ministerio de Fomento desbotou a execución da liña de alta velocidade León-Ponferrada", aínda que recoñece que "a actual situación económica obriga a estabelecer prioridades en materia de investimentos en infraestruturas", apunta o departamento que dirixe Xosé Blanco.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto