Vieiros

Vieiros de meu Perfil


Edición xeral

RSS de Edición xeral
Logo do acordo de Caixa Galicia e Caixanova

Puy valora que haxa fusión malia "os intereses curtopracistas" do PSOE

O voceiro de Economía do PPdeG acusa os socialistas de tirar "pedras contra os intereses de Galiza" durante o proceso de negociación.

Redacción - 12:55 13/05/2010
Pedro Puy

Pedro Puy

"A posición máis difícil de explicar é a dos que non estaban naquela foto da sinatura do manifesto en favor da fusión", explica, en clara referencia á ausencia naquela xuntanza da representación do PSdeG, o portavoz de Economía e Facenda do PPdeG, Pedro Puy, nunha entrevista na web da súa propia formación política (PPdegalicia.com).

"Non debe sorprender que os partidos galegos defendan a galeguidade das caixas, o sorprendente é o contrario", acusou Puy. "Houbo algún que deu un exemplo do contrario que debe facer un alcalde", afirmou Puy Fraga en alusión ás declaracións do rexedor vigués Abel Caballero durante o proceso, acusándoo de tirar "pedras contra os intereses de Galiza, tirando á súa vez pedras contra os intereses dos cidadáns do seu concello".

Segundo o deputado do PPdeG os "vaivéns do PSOE" durante o proceso que levou ao acordo para a fusión de Caixa Galicia e Caixanova "obedecen a un mal propio do PSOE en Galiza, desde o punto de vista histórico, que é que cando non goberna non é capaz de formular un liderado nin unha mensaxe ou ideoloxía común”. "Prevalecen os intereses curtopracistas dos distintos líderes ou alcaldes locais lastra o funcionamento do PSOE", avaliou. "De non ter traballado o Goberno galego a favor da fusión xa non teríamos caixas que democratizar porque ningunha delas estaría vencellada a Galiza”, subliñou Pedro Puy.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: