Vieiros

Vieiros de meu Perfil


Edición xeral

RSS de Edición xeral
DENUNCIA DO PSDEG

No primeiro ano de Feijoo pecharon 1.046 explotacións gandeiras

Os socialistas acusan o Goberno de “promover o abandono e os recortes de inversións” en materia agraria.

Redacción - 13:35 12/05/2010

“Feijoo é o responsábel do peche de 1.046 explotacións en Galiza”. Así o asegura Sonia Verdes, portavoz do Grupo Parlamentario de Medio Rural do PSdeG. Denuncia que as únicas iniciativas da Xunta para apoiar os gandeiros pasan por “promover o abandono e os recortes de inversións” e afirma que as súas decisións poñen en risco a supervivencia de máis de catro milleiros de explotacións, necesarias para “a preservación do medio natural, para a prevención de incendios, para fixar poboación e para evitar o abandono do medio rural”.

O PSdeG presentou unha iniciativa, botada abaixo polo PPdeG, na que reclamaba ao Goberno que puxera en marcha axudas para os gandeiros. Verdes asegurou que o goberno de Feijoo “trouxo consigo o fracaso de moitas políticas para os gandeiros”, e nomeou o peche de explotacións, a caída dun 41,3% nos ingresos das granxas ou perdas no sector que superan os 173 millóns de Euros, é dicir, preto de 13.500 euros por explotación.

Ademais acusou a Feijoo de “paralizar, recortar e suprimir axudas, para desmantelar, privatizar e recortar servizos” e subliñou que “se deixaron sen gastar 215 millóns de euros de investimento produtivo en subvencións e convenios”. Finalmente, a deputada denunciou que a Xunta recortou as axudas a explotacións de gandería extensiva, onde non é posíbel pola especial orografía outro tipo de actividade agraria.


3/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: