Vieiros

Vieiros de meu Perfil


Edición xeral

RSS de Edición xeral
Debate parlamentario

O BNG denuncia o consenso de PSOE e PP na renuncia á lei galega de caixas

Os nacionalistas tamén ven "pasividade" do Goberno diante dos desinvestimentos das dúas entidades en sectores estratéxicos.

Redacción - 13:15 12/05/2010
Fernando Blanco, voceiro parlamentar do BNG na área de Economía

Fernando Blanco, voceiro parlamentar do BNG na área de Economía

O exemplo da venda da tecnolóxica R a capital estranxeiro volveu a primeiro plano esta cuarta feira no Parlamento de Galicia. Un chanzo que non tería acontecido coa nova lei galega de caixas "xa que tería que ter a autorización da Xunta", recordou o voceiro parlamentar do Bloque na área de Economía, Fernando Blanco.

A lea viña a conto da proposición non de lei do BNG para a aplicación da Lei Galega de Caixas de Aforros, iniciativa rexeitada polo PP e diante da cal o PSdeG elixiu absterse. Para o portavoz nacionalista, a lei aprobada polo Parlamento en decembro debe ser desenvolvida "para garantir que as caixas de aforros sigan tendo un carácter social e vinculado ao territorio".

De paso, advertiu Fernando Blanco que a súa formación non está disposta "á bancarización das caixas". Blanco criticou o pacto a nivel estatal que a pasada semana asinaron PSOE e PP "para bancarizar e privatizar as caixas, ao dotar de dereitos políticos ás cotas participativas". "Para isto non conten co BNG", avisou. Ao tempo cualificou de "chantaxe" que a fusión de Caixa Galicia e Caixanova estea condicionada á modificación da lei galega de caixas.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: