Vieiros

A inestabilidade que estaba a vivir nas últimas semanas a moeda única fixo que a Unión Europea e o Fondo Monetario Internacional negociaran até ben entrada a madrugada deste luns para mobilizar 750 mil millóns de euros. A histórica operación financieira busca “rematar contra a débeda soberana dalgúns estados membros (entre eles o español) e frear a caída da divisa europea”.

A Unión Europea reserva fondos (60 mil millóns) para axudar a calquera estado membro con dificultades. Se isto non chegase, os estados da eurozona comprométense a garantir empréstimos bilaterais de até 440 mil millóns máis. O FMI tamén se compromete a achegar créditos de até 250 mil millóns de euros.

Xornais como o inglés The Times ou o francés Le Monde fan fincapé nas súas informacións en que un dos fins últimos do plan aprobado con urxencia é evitar que crises como a grega se contaxien a economías que viven un momento fráxil e citan o caso da española e da portuguesa.

• O goberno español anuncia outro recorte de gasto público de 15 mil millóns