Vieiros

Vieiros de meu Perfil


Edición xeral

RSS de Edición xeral
INICIATIVA NO SENADO

O Bloque pide que se suspenda a suba do IVE e que se graven as rendas máis altas

Os nacionalistas sosteñen que a medida que entrará en vigor nos vindeiros meses dificultará a recuperación económica e prexudicará as clases medias e baixas.

Redacción - 14:10 20/03/2010
Xosé Manuel Pérez Bouza, do BNG

Xosé Manuel Pérez Bouza, do BNG

O BNG non comparte a intención do goberno español de subir o IVE dous puntos (do 16 ao 18%) a partir do vindeiro mes de xuño. Os nacionalistas subliñan que esta medida, que segundo o executivo de Rodríguez Zapatero servirá para manter as prestacións sociais, acabará sendo prexudicial para o consumo e dificultará a saída da crise económica.

Nunha iniciativa presentada por Xosé Manuel Bouza no Senado, proponse deixar sen efecto a medida prevista e poñer en marcha outras reformas para garantir novos ingresos. Así, dende o Bloque defenden que é máis xusta uns novos tramos no IRPF para as rendas máis elevadas ou a recuperación do Imposto sobre o Patrimonio, que segundo os nacionalistas podería reportarlle ás arcas do Estado 1.800 millóns de euros anuais.

Pola contra, alerta de que a suba xeralizada do IVE vai ter un efecto moi negativo para os salarios medios e baixos e, sobre todo, para os pensionistas. A iniciativa debaterase o vindeiro martes. Bouza sostén que o goberno tamén se debería concentrar na loita contra o fraude fiscal que "acada proporcións escandalosas". Dende o BNG insisten en que propoñen "algo razoábel" e agardan contar coa maioría dos senadores.


4/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: