Vieiros

Vieiros de meu Perfil


Edición xeral

RSS de Edición xeral
Reaccións á retirada de Touriño

Anxo Guerreiro: "Veremos se o PSdeG recolle o seu legado ou involuciona"

O ex deputado Anxo Guerreiro considera que non é unha novidade que Emilio Pérez Touriño abandone agora a Cámara, onde "xa non mantiña actividade parlamentaria" e subliña que con seguridade o ex presidente da Xunta "vai seguir tendo voz na sociedade galega".

Redacción - 13:55 10/03/2010

'Geluco' Guerreiro valora especialmente o labor que Emilio Pérez Touriño desenvolveu na súa etapa á fronte do PSdeG-PSOE. "Fixo un bo traballo, unificou o partido e acabou co lastre das baronías locais, fixo un esforzo moi importante para o reforzo dos socialistas no país e significouse tamén na aposta por unir esquerda e galeguismo", afirma Anxo Guerreiro. "Veremos se o PSdeG é capaz de recoller e manter ese legado ou se involuciona", advirte.

Outra valoración lle merece a Guerreiro o paso de Pérez Touriño polo Goberno. Na súa opinión, o balance positivo de Touriño á fronte do PSdeG-PSOE contrasta co balance de Touriño á fronte do executivo. "Non tivo tanto éxito no Goberno", reflexiona Anxo Guerreiro, para quen Touriño fallou á hora de facer "as reformas estruturais que necesitaba Galiza". "Non foi capaz de impulsar o cambio que pedía o país", analiza, "e deu paso a unha forma de continuismo que decepcionou a boa parte do electorado de esquerda".


5/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: