Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Máis de cinco mil asistentes

Notábel interese polas '55 mentiras sobre a lingua galega'

Os 70 locais onde se deu a coñecer o libro promovido por Prolingua quedaron curtos de espazo. A rede está a reflectir as reaccións.

Redacción - 11:00 06/02/2010
A presentación de Vigo púidose seguir ao vivo na rede

A presentación de Vigo púidose seguir ao vivo na rede

A presentación de 55 mentiras sobre a lingua galega, promovido pola asociación Prolingua, foi cualificada como un éxito polos seus organizadores. Máis de cinco mil persoas asistiron aos 69 actos que tiveron lugar a primeira hora da noite do venres en diferentes lugares do mundo. A xente ateigou os locais e debateu arredor das falacias que seguen a tentar impedir a normalización da lingua.

Na internet, os participantes nos actos informan do que aconteceu, tanto a través de blogs como das redes sociais. De feito, o grupo de Prolingua no Facebook, con máis de 2.400 seareiros, converteuse nun punto de encontro e, maioritariamente, de parabéns e de orgullo polo éxito das diferentes convocatorias.

Na web de Prolingua púidose ver ao vivo -e agora en diferido- a presentación que tivo lugar en Vigo, coa participación do autor do libro, Xosé Henrique Costas, e doutros dous membros da entidade, Manuel Bragado e Agustín Fernández Paz. Este foi un dos actos con máis asistentes, unhas 200 persoas.

Velaquí unha escolma de crónicas dalgunhas das presentacións de 55 mentiras sobre a lingua galega:



5/5 (32 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: