Vieiros

Vieiros de meu Perfil


Edición xeral

RSS de Edición xeral
65º aniversario de liberación de Auschwitz

Homenaxe ás vítimas da barbarie

Esta cuarta feira conmemórase o Día Internacional en Recordo das Vítimas do Holocausto. AGAI lembra o derradeiro sobrevivinte galego de Mauthausen.

Redacción - 11:00 27/01/2010
Sobrevivinte do holocausto

Sobrevivinte do holocausto

Antigos prisioneiros de Auschwitz, veteranos do Exército Vermello que os liberaron hai 65 anos e personalidades como xefes de estado e de goberno, renden homenaxe esta cuarta feira as vítimas que pereceron nese campo de concentración nazi.

A inauguración dunha exposición rusa recordará a dramática xornada do 27 de xaneiro de 1945, hai 65 anos, cando o exército soviético entrou nos campos de Auschwitz, Birkenau e Monowitz, e liberou uns sete mil prisioneiros que sobreviviran, na súa maioría enfermos e moribundos.

A data do 27 de xaneiro é, desde que o 1 de novembro de 2005 a Asemblea Xeral da ONU aprobou a resolución 60/7, o Día Internacional de Conmemoración anual en Recordo das Vítimas do Holocausto.

Recordatorio especial de AGAI

Desde a Asociación Galega de Amizade con Israel (AGAI) emitiron un comunicado co que se queren sumar á "condena e repulsión mundial ao xenocidio sistemático e industrializado que acabou coa vida de millóns de seres humanos, xitanos, disidentes políticos, homosexuais, deficientes físicos e de seis millóns de xudeus".

Ademais, a AGAI ten un "recordatorio especial polo seu profundo simbolismo", do falecemento o pasado 19 de maio de Marcelino Pardal Pouso, "o derradeiro sobrevivinte galego do campo de concentración de Mauthausen".


5/5 (9 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: