Vieiros

Vieiros de meu Perfil


Edición xeral

RSS de Edición xeral
Iñaki Anasagasti

"A monarquía española baséase nun conto chino"

"Un dos propiciadores do 23F chámase Juan Carlos de Borbón", dixo Anasagasti na Coruña o pasado decembro. Na rede xa o vídeo íntegro.

Redacción - 11:00 27/01/2010

O político vasco Iñaki Anasagasti estivo na Coruña o pasado 3 de decembro para presentar o seu libro Unha monarquía protexida pola censura. Convidado polo Instituto Galego de Estudos Europeos e Autonómicos (IGEA), Anasagasti impartiu unha conferencia na que cargou contra o "muro de silencio que rodea a Casa Real española".

"Non son unha especie de antimonárquico belixerante que está facendo unha campaña rabiosa e furiosa", explicou, "só conto as miñas experiencias porque a monarquía española baséase fundamentalmente nun conto chino de que a transición se fixo grazas á valentía de El-Rei Juan Carlos e que o 23F el-Rei nos salvou de que houbera un golpe de Estado". "Afortunadamente xa empezan a saír informacións que falan máis claramente de que un dos propiciadores do 23F chámase Juan Carlos de Borbón y Borbón", subliñou, "o que fixo el-Rei en primeiro lugar foi propiciar a caída de Adolfo Suárez, e un dos propiciadores de que o xeneral Armada pensara que podía ir á Zarzuela aquela noite é el-Rei".

Sobre estes e outros "tabús e inercias" protexidos por un amplo "muro de silencio", falou Iñaki Anasagasti. A súa intervención completa pode consultarse en catro vídeos dispoñíbeis na web do IGEA.


4.73/5 (15 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: