Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Normalización lingüística

O galego seguirá a ser a única lingua oficial do Concello de Vigo

O equipo de goberno rexeitou unha moción do PPdeG que instaba a incorporar o castelán pola suposta inconstitucionalidade da ordenanza local.

Redacción - 12:00 01/12/2009

A corporación viguesa rexeitou, cos votos do PSdeG e do BNG, unha moción presentada polo PPdeG que pretendía que o castelán fose lingua oficial do concello. O edil Ignacio López-Chaves, autor da proposta, solicitara que se modificase o artigo 1 da Ordenanza de Normalización Lingüística do Concello de Vigo, que estabelece o galego, lingua propia de Galiza, como lingua oficial do goberno local.

Segundo o concelleiro do PPdeG, a normativa actual é "anticonstitucional". Ademais, queixouse de que "algúns creadores" non podían publicar en castelán en edicións locais. Comparou a situación do concello de Vigo coa do das Pontes, onde tampouco aparece o castelán como lingua oficial. Malia que López-Chaves ameazou con que votar contra a moción sería ir en contra da Constitución, os 14 votos do equipo de goberno botaron abaixo a proposta dos 12 edís 'populares'.

O equipo de goberno retrucou que o PPdeG podería ter adaptado a normativa lingüística durante os anos que estivo no executivo local, cando o propio López-Chaves dirixía o departamento de normalización.


4.53/5 (17 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: