Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Escollas musicais

Esta fin de semana, escoitas, berras ou bailas?

Os festivais e concertos de venres e sábado móvense entre a moda máis “chic”, a canción tradicional e a reivindicación social.

Redacción - 11:00 25/09/2009
Joe Crepúsculo actúa no Daisy Market

Joe Crepúsculo actúa no Daisy Market

A do 25 ao 27 de setembro é unha nova fin de semana con propostas musicais para todos os gustos. Para os que están á última, na moda e na música, A Coruña acolle o Daisy Market. Trátase dun certame de moda e costura para xente moderna cunha cara musical ben completa: alí estarán, entre outros, Joe Crepúsculo, The Waves Pictures, La Bien Querida, Extraperlo e Lidia Damunt.

Fóra da pasarela, a reivindicación social é o que move dúas citas destes días. Polo sur, en Cangas, concerto solidario cos detidos nas manifestacións contra o porto deportivo de Massó, con Dios Ke Te Crew e o Sonoro Maxín encabezando o cartel do S.O.S. Massó. E polo norte, en Ferrol, o Centro Social o Fervesteiro organiza o seu segundo festival: Ataque Escampe, Motor Perkins, Skarallados...

En Marín celebran esta fin de semana a danza de espadas, completada con concertos de João Afonso e Nordestinas. E en Vilelos, O Saviñao, prenderán a mecha do espectacular folión de fachas as actuacións de Cuchufellos e Pachanga Divina. A música tradicional será protagonista da Xuntanza de Gaiteiros de Fene e do terceiro Zumbanocoiro en Lugo.

Atención aos concertos que completan a actividade musical da fin de semana: Nadadora, Habitación 92, Sevigny, Covalblú, e Snatch teñen bolos o venres, e Som do Galpom, Los Eternos, Medomedá e Pito de Picaso o sábado.

25, 26 e 27 de setembro, Daisy Market (A Coruña):
Venres 25: Joe Crepúsculo, Coroa Nova, 6PM, Cobblestone Jazz.
Sábado 26: The Rakes, The Wave Pictures, La Bien Querida, Extraperlo, Lidia Damunt, Lo-fi-fnk.
Ademais: feira de moda, conferencias, exposicións e pasarela.

25, 26 e 27 de setembro, Festa da Canción Mariñeira (Marín):
Venres 25: João Afonso.
Sábado 26: Nordestinas.
Ademais: xogos tradicionais, charangas, teatro, corais e danza de espadas.

25 e 26 de setembro, Fervesteiro (Ferrol): 
Venres 25: Ataque Escampe, Bulldozers e grupo sorpresa.
Sábado 26: Motor Perkins, Skarallados e Mongollica.

25 de setembro, Folión de Fachas (Vilelos, O Saviñao):
Pachanga Divina, Cuchufellos e o folión de fachas.

26 de setembro, S.O.S. Massó (Cangas):
O Sonoro Maxín, Dios Ke Te Crew, Stupenda Jones e Dakidarría, presentado por O Leo i Arremecághona

26 de setembro, Xuntanza de Gaiteiros (Fene):
Mini e Mero, Raparigos, María Manuela, Xoán Rubia e Banda de Gaitas Tradicional “Airiños de Fene”.

26 de setembro, Zumbanocoiro (Lugo):
A Volta do Agro, Bouba Pandereteiras, O Tear de Llerena e A Gaita de Sarandón.

Máis concertos:
25 de setembro:
Nadadora e Daga2Puntas nas Festas do Cristo (O Porriño)
Habitación 92 na sala A Reserva (Carballo)
Sevigny no Café Auriense (Ourense)
Covalblú no Centro Cultural Caixanova (Vigo)
Snatch na sala Contrabajo (Vigo)

26 de setembro:
Los Eternos no Salón Parroquial (Ponteareas)
Som do Galpom no pub Leblón (Pontecaldelas)
Medomedá na sala Mogway (Chantada)
Pito de Picaso na sala Lacosta (Portonovo)


4.43/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Covalblú en directo este xoves no Planeta Furancho da Radio Galega

Cartel do Folión de Fachas
Cartel do Folión de Fachas