Vieiros

Vieiros de meu Perfil


Edición xeral

RSS de Edición xeral
MEMORIA HISTÓRICA

Chile, a xustiza chega máis de tres décadas despois

Un xulgado procesa 120 ex axentes da policía política de Pinochet implicados na desaparición de disidentes da ditadura.

Redacción - 10:05 02/09/2009

A xustiza chilena acaba de dar un importante paso adiante para exorcizar un dos demos da súa historia recente: a ditadura militar. O xuíz Víctor Montiglio decretou o procesamento de 120 ex axentes da Dirección de Inteligencia Nacional (DINA) por seren presuntos coautores de secuestros e traslado de prisioneiros políticos. Entre os presuntos represores están sesenta funcionarios que nunca foran imputados en ningunha causa.

O xuíz considera que hai probas que involucran aos procesados en crimes de lesa humanidade cometidos nas operacións Colombo e Cóndor e no episodio de Calle Conferencia, onde se exterminou a dirección clandestina do Partido Comunista.

As asociacións que agrupan a familiares de vítimas consideran que a decisión xudicial é un importante paso adiante para rematar coa impunidade da que durante décadas gozaron moitos dos represores.


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: