Vieiros

Vieiros de meu Perfil


Edición xeral

RSS de Edición xeral
Constitución do Parlamento Europeo

Arranca a lexislatura nunha Europa en plena crise económica e de valores

A representante do BNG, Ana Miranda, promete defender dende "xa" os intereses de Galiza "como nación europea". Este martes, reciben os gandeiros.

Redacción - 11:45 14/07/2009
Este martes comeza a lexislatura

Este martes comeza a lexislatura

O europarlamentario polaco, Jerzy Buzek, será elixido presidente do Parlamento Europeo, na primeira decisión simbólica -conta co apoio de populares, socialistas e liberais- dos eurodeputados na que será a sesión inaugural da Cámara este martes, nun momento en que a crise económica bate con forza en Europa, e esta non ten claro cara a onde camiña.

Dos 736 representantes da cidadanía europea, a metade son novatos con respecto á anterior lexislatura. Hai máis deputados novos e máis mulleres -só un 35%, porén. E tamén hai máis euroescépticos e máis dereita -e extrema dereita.

Estes últimos terán en fronte a unha galega (no escano número 250), nova e muller, mais nada novata: Ana Miranda, representante do BNG e futura eurodeputada, que xa anunciou que a formación nacionalista defenderá dende "xa" os intereses de Galiza "como unha nación europea".

"Cando me toque oficialmente ser eurodeputada do BNG -en 2012- asumireino, mais a defensa dos intereses de Galiza e doutros modelos que a teñan en conta como unha nación europea, comezan dende esta semana", asegurou.

Manifestación dos produtores leiteiros de Europa

Miranda asistiu até o momento ás diferentes reunións da constitución do Grupo Os Verdes-Alianza Libre Europea, que con 55 escanos é o cuarto do Parlamento Europeo e será chave en moitas decisións. Intégrano os partidos nacionalistas de Flandres, Escocia, Gales, Letonia, Córsega e Cataluña-Galiza-Euskadi.

Precisamente Os Verdes-ALE participará este martes na manifestación dos produtores de leite en Europa, en solidariedade coas "vítimas do dumping das grandes superficies e da exportación de leite". Dende o grupo defenden unha política agraria común que cubra os custes de produción dos gandeiros.


Ligazóns

5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: