Vieiros

Vieiros de meu Perfil


Edición xeral

RSS de Edición xeral
100 mil euros máis, entre 237 traballadores

Os sindicatos consideran "insuficiente" a nova oferta de Caramelo

Os traballadores deciden este luns á tarde se aceptan a proposta trasladada de mañá pola dirección do grupo téxtil ás centrais.

Redacción - 18:45 13/07/2009
Mobilización da semana pasada

Mobilización da semana pasada

A dirección de Caramelo e representantes do comité de empresa finalizaron este luns sen acordo a xuntanza programada para negociar, coa mediación da Xunta, o ERE formulado polo grupo téxtil no seu plan de viabilidade que afecta 237 traballadores.

A patronal sumou 100 mil euros -a repartir polo comité de empresa- á proposta realizada a semana pasada en materia de indemnizacións, que non mudou: 37 días por ano traballado cun tope de 30 meses, fronte aos 45 días por ano traballado cun tope de 42 meses que reclaman os sindicatos.

Dende a dirección da empresa aseguran que se trata dunha proposta "in extremis", a instancias do responsábel da Inspección de Traballo, e din ter "vontade" de chegar a un acordo. Ademais, afirman que acudirán á reunión deste martes, se os traballadores desconvocan a folga da xornada.

"Pídennos que repartamos miseria"

Porén, tanto a representante da CIG-Téxtil, Dores Martínez, como a de CC.OO, Dolores López, consideraron "insuficiente" a nova proposta da empresa e criticaron que se delegue no comité de empresa os criterios para a repartición deses cartos.

"Pídennos que repartamos miseria", asegurou Dores Martínez, quen sostivo que este diñeiro "se traduciría só nun día e pico máis de indemnización e nun mes se falamos do tope de mensualidades". Respecto á posibilidade de desconvocar a folga deste martes, será a asemblea de traballadores a que decida.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: