Vieiros

Vieiros de meu Perfil


Edición xeral

RSS de Edición xeral
A Unión Africana racha co TPI

Probas "insuficientes" para imputar o presidente de Sudán por xenocidio

O Tribunal Penal Internacional desbota sumar este crime aos "de guerra" e "contra a humanidade" que xa pesan sobre Omar Al Bashir.

Redacción - 18:45 07/07/2009
Omar Al Bashir

Omar Al Bashir

A fiscalía do Tribunal Penal Internacional (TPI) anunciou que recorrerán a decisión dos xuíces da corte de non imputar o presidente de Sudán, Omar Al Bashir, polo "xenocidio" na rexión de Darfur.

Sobre Omar Al Bashir pesa unha orde de arresto dende o pasado mes de marzo, acusado de "crimes de guerra" e "contra a humanidade" por orquestrar unha campaña de asasinatos e torturas nesta rexión.

No entanto, o TPI considera que no caso do delito de xenocidio as probas son "insuficientes". Os fiscais consideran que a decisión é "inapropiada nesta fase do procedemento", e que o tribunal só necesitaba probar que hai "fundamentos razoábeis para crer" que Al Bashir foi responsábel do xenocidio.

Mark Ellis, voceiro da International Bar Association (asociación de asesoramento xurídico internacional), sinalou á canle internacional Al Jazeera que imputar unha única persoa por xenocidio é "un proceso legal complexo". "Require que a acusación probe que o individuo tivo unha intención específica de destruír un grupo étnico", dixo.

A Unión Africana racha co TPI

Os líderes da Unión Africana aprobaron unha moción o venres pasado que non colaborarían máis co TPI e que polo tanto non arrestarían e extraditarían o presidente sudanés.

O organismo panafricano quere que se aprace a acusación de Al Bashir porque, ao seu xuízo, compromete os esforzos para lograr a paz en Darfur.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: