Vieiros

Vieiros de meu Perfil


Edición xeral

RSS de Edición xeral
CRISE NO TEXTIL

Caramelo pecha temporalmente a súa fábrica da Coruña para "garantir a seguridade das persoas e das cousas”

A dirección da empresa vincula a decisión cos incidente vividos nas instalacións este xoves e asegura que reabrirá cando mellore o "clima de convivencia"

Redacción - 12:00 12/06/2009
Manuel Jove controla a maior parte do capital de Caramelo

Manuel Jove controla a maior parte do capital de Caramelo

A empresa Caramelo, noutrora un dos buques insignia da moda galega, segue vivindo unha grave crise que ameaza a súa propia existencia. O último episodio protagonizouno a dirección da empresa que decretou este venres un peche temporal das súas instalacións n' Agrela (A Coruña). A patronal vincula esta decisión cos incidentes que se produciron nas instalacións este mesmo xoves.

Fontes de Caramelo explicáronlle a Europa Press que a medida busca “garantir a seguridade das persoas e das cousas”. Engadiron que é unha “medida temporal” até que se restaure o “clima de convivencia e de seguridade na empresa”.

Pola súa parte os traballadores de Caramelo pasaron a noite diante da fábrica onde están concentrados dende que o xoves rachasen as negociación coa empresa. Caramelo mantén enriba da mesa un ERE que afecta a 237 traballadores.

A CIG denunciou diante da Inspección de Traballo o peche decretado pola empresa. Está previsto que as negociacións se reanuden esta mesma mañá e contarán coa mediación de altos cargos da Xunta.


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: