Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
CENTRO GALEGO DE BARCELONA, 29 E 30 DE MAIO

Fallo do certame literario "Contos no Mediterráneo" e teatro de Furafollas

Este venres entréganse no Centro Galego os premios deste concurso e o sábado o teatro de Furafollas volve con "Historias no Raval"

Redacción Barcelona - 23:27 26/05/2009

O certame literario "Contos no Mediterráneo" remata a terceira edición coa entrega de premios o venres 29. Este concurso único, dirixido a persoas que estudaron ou están a estudar galego ou portugués en territorios de fala catalá, ten no seu haber valorar a creatividade literaria por riba da corrección normativa, polo que racha coas fronteiras normativas entre a fala galega e a portuguesa, alén de premiar o estudo das normas ortográficas do galego e de portugués.

A entrega de premios será no Centro Galego de Barcelona este venres 29 de maio ás sete e media da tarde.

Furafollas Agrupación Teatral segue co seu ciclo "Historias no Raval" e na tarde do sábado 30 actuará de novo no histórico local galego das Rambles de Barcelona. Este grupo de teatro galego-catalán (que axiña deberemos de etiquetar coma plurinacional pola diversidade do seu elenco artístico), leva anos deleitando a parroquia galego-catalá (sic) coa súa retranca. Desta vez anuncia un percorrido dende o Centro Galego ao local de La Xina Art, onde a iniciativa "Catalizador" do furafolleiro Anxo Baranga canda outras furafolleiras ten deleitado a Barcelona con performances poético-eróticas proxectadas na Semana Barcelona Poesía.

Venres, 29 de maio, 19.30 h.

Entrega premios III Edición Contos no Mediterráneo

Sala Ferrío, Centro Galego de Barcelona
Rambla Caputxins, 35-37


Sábado, 30 de maio, 19 h

Teatro. Historias no Raval, de Furafollas Agrupación Teatral.
Montaxe teatral que levará o público de ruta polo Raval, do CGB a La Xina Art.

Sala Ferrío, Centro Galego de Barcelona
Rambla Caputxins, 35-37


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: