Vieiros

Vieiros de meu Perfil


Edición xeral

RSS de Edición xeral
Tensión negociadora

O PSC fai presión sobre o PSOE e advírtelle sobre a "estabilidade" en Madrid

O presidente da Generalitat, José Montilla, e mais o voceiro do PSC, Miquel Iceta, expuxeron cadansúa advertencia sobre a "relación" en xogo.

Redacción - 08:00 21/04/2009

A galería de incumprimentos do goberno español co executivo catalá aparecerá este martes na mesa negociadora na que sentarán o presidente da Generalitat, José Montilla, o conselleiro encargado do desenvolvemento estatutario, Joan Saura, e o vicepresidente terceiro do goberno estatal, Manuel Chaves.

O principal desafío será o diálogo ao respecto do financiamento autonómico, importante punto de fricción entre as dúas administracións. Con todo, un feixe de temas pendentes aparecen na axenda, como é o caso da xestión dos ferrocarrís de proximidade ou do aeroporto do Prat. Nunha entrevista televisiva este luns, Montilla pediulle ao goberno español "sentido común" e definiu de "inxustiza" para Cataluña o modelo financiador actual. Á beira mostrouse calculadamente ambiguo ao respecto da relación entre PSOE e PSC.

Máis concreto sobre o peso dos 25 deputados que o PSC ten no Congreso apareceu o voceiro desta formación, Miquel Iceta, quen advertiu de que están en xogo "cousas moi serias". "Evidentemente ponse en risco a estabilidade de dous gobernos, un que non ten maioría parlamentaria, o de España, e unha coalición de goberno en Cataluña que se comprometeu a ter uns determinados resultados". "Se estes resultados non se obteñen a estabilidade destes gobernos está en xogo", avisou.

Recomendámoslles ampliar na prensa catalá:


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: