Vieiros

Vieiros de meu Perfil


Edición xeral

RSS de Edición xeral
Toma de posesión

A conselleira de Sanidade promete unha etapa de "acordos e consenso"

A nova responsábel do departamento de Sanidade do Goberno, Pilar Farjas, prognostica colaboración e participación co sector.

Redacción / Europa Press - 15:30 20/04/2009
Pilar Farjas, con Núñez Feijoo, durante a súa toma de posesión (clic para ampliar)

Pilar Farjas, con Núñez Feijoo, durante a súa toma de posesión (clic para ampliar)

A conselleira de Sanidade, Pilar Farjas, apostou este luns por "seguir mellorando e seguir crecendo" en materia sanitaria, para o que, asegurou, o seu departamento contará con "dous puntos de referencia", os usuarios e os profesionais.

Tras ser recibida no seu despacho pola súa predecesora no cargo, María Xosé Rubio, a nova conselleira asegurou que os usuarios serán "sempre" o seu "foco de interese" para a mellora da sanidade no país, para o que quere "contar en todo momento" cos profesionais da saúde, "pezas claves" nesta cuestión.

Nesta liña, mostrouse "convencidísima" de que o seu departamento contará coa colaboración de todos os profesionais da sanidade para "poñer en marcha os motores e saír adiante", "nunha conxuntura económica" na que "as circunstancias non van permitir solucionar economicamente os problemas". Así, Farjas asegurou que esta será "unha etapa de acordos, de consenso, de colaboración e de participación" na que se tratarán retos como a redución de listas de espera, a innovación en materia sanitaria e a creación de novos hospitais.


1/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: