Vieiros

Vieiros de meu Perfil


Edición xeral

RSS de Edición xeral
Encontro ministerial hispano-luso

Galiza pon os megavatios, Estremadura apaña o I+D

Gobernos español e portugués confirman que en xaneiro anunciarán oficialmente a designación de Badaxoz como sede do 'Centro ibérico de enerxías renovábeis'.

Redacción - 19:15 22/12/2008
Touriño, na cimeira de Braga, entre membros do executivo español

Touriño, na cimeira de Braga, entre membros do executivo español

Os ministros español e portugués de Asuntos Exteriores, Miguel Ángel Moratinos e Luís Amado, mantiveron esta fin de semana unha xuntanza preparatoria da cimeira hispano-lusa que terá lugar na localidade de Zamora o 22 de xaneiro.

Na reunión, organizada en Viana do Castelo, tamén participou o conselleiro de Economía, Xosé Ramón Fernández Antonio, que defendeu a importancia da cooperación transfronteiriza para impulsar a actividade económica e o emprego.

Moratinos e Amado valoraron moi positivamente o grao de colaboración entre ambos os dous gobernos. O xefe da diplomacia española destacou que a cimeira vindeira coincidirá cun momento de "incerteza e inquietude" pola crise económica e financeira mundial.

Neste senso, o seu homólogo portugués asegurou que a crise non vai supor ningún atraso nos investimentos públicos nos grandes proxectos ibéricos, principalmente -destacou- no tren de alta velocidade (TAV) entre Madrid e Lisboa.

Ademais, confirmouse que na próxima cita se anunciará oficialmente a designación de Badaxoz como sede do futuro 'Centro ibérico de enerxías renovábeis'. A súa creación avanzárase xa na última xuntanza bilateral, a de Braga do pasado mes de xaneiro, que contou coa presenza do presidente da Xunta, Emilio Pérez Touriño.

Galiza-Norte de Portugal

Por outra banda, o secretario xeral de Relacións Exteriores, Xulio Fernández Mato, e o alcalde de Vigo, Abel Caballero, asinaron este luns o acordo de cesión dos despachos do Antigo Reitorado para albergara a sede da Agrupación Europea de Cooperación Territorial Galiza-Norte de Portugal.


3.67/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: